სეულის სასამართლოს გადაწყვეტილებით, სამხრეთ კორეის ყოფილმა პრეზიდენტმა, იუნ სოკ იოლმა, 2024 წლის დეკემბერში საგანგებო მდგომარეობის გამოცხადებისას ამბოხს უხელმძღვანელა. მას სამუდამო პატიმრობა მიესაჯა. სეულის ცენტრალურმა რაიონულმა სასამართლომ ხუთშაბათს ყოფილი პრეზიდენტი იუნ სოკ იოლი ამბოხისა და კონსტიტუციის შელახვისთვის დამნაშავედ ცნო. მოსამართლეებმა დაადგინეს, რომ მისი მიერ 2024 წლის დეკემბერში საგანგებო მდგომარეობის გამოცხადება მიზნად ისახავდა ეროვნული ასამბლეის პარალიზებას. სასამართლომ 65 წლის იოლს სამუდამო პატიმრობა მიუსაჯა, მიუხედავად იმისა, რომ პროკურორები სიკვდილით დასჯას ითხოვდნენ. საქმის თავმჯდომარე მოსამართლემ, ჯი გვი-იონმა განაცხადა, რომ იოლის ქმედებები მიზანმიმართულ შეთქმულებას წარმოადგენდა. ჯიმ თქვა, რომ იოლი დამნაშავეა ამბოხში, რადგან მან უსაფრთხოების ძალები მობილიზება მოახდინა ლიბერალების მიერ კონტროლირებული ეროვნული ასამბლეის უკანონოდ უზურპაციის, პოლიტიკოსების დაკავებისა და „მნიშვნელოვანი“ ხნით შეუზღუდავი ძალაუფლების ხელში ჩაგდების მიზნით. „საგანგებო მდგომარეობის გამოცხადებამ უზარმაზარი სოციალური ზიანი გამოიწვია და ძნელია იმის მანიშნებელი, რომ ბრალდებულმა ამის გამო სინანული გამოთქვა“, – განაცხადა ჯიმ. „ჩვენ იუნ სოკ იოლს სამუდამო პატიმრობას ვუსჯით“. იოლს შეუძლია განაჩენი გაასაჩივროს. ის მუდმივად უარყოფდა დანაშაულს და აცხადებდა, რომ მოქმედებდა „თავისუფლების დასაცავად“ და კონსტიტუციური წესრიგის აღსადგენად. სასამართლოს შენობის გარეთ ათასობით მისი მხარდამჭერი შეიკრიბა პლაკატებით, რომლებიც ბრალდებების მოხსნას ითხოვდნენ. სპეციალურმა პროკურორმა განაცხადა, რომ იოლი იმსახურებდა უმკაცრეს სასჯელს, მიუხედავად იმისა, რომ სამხრეთ კორეას 1997 წლის შემდეგ არც ერთი სიკვდილმისჯილი არ აღუსრულებია, რაც ფაქტობრივად სიკვდილით დასჯის მორატორიუმს ნიშნავს. იოლი უკვე ცნობილი იყო დამნაშავედ და ნასამართლევი იყო სხვა ბრალდებებით, მათ შორის ოფიციალური დოკუმენტაციის გაყალბებისა და პოტენციური კრიმინალური მტკიცებულებების განადგურებისთვის. სასამართლომ ასევე მიუსაჯა ყოფილ თავდაცვის მინისტრ კიმ იონ-ჰიონს 30 წლით თავისუფლების აღკვეთა ძალაუფლების ხელში ჩაგდების მცდელობაში მისი მონაწილეობისთვის. სეულში 1960 წელს დაბადებულმა იოლმა სამართალი შეისწავლა და საჯარო პროკურორი და ანტიკორუფციული მოძრაობის მომხრე გახდა. მან გადამწყვეტი როლი ითამაშა სამხრეთ კორეის პირველი ქალი პრეზიდენტის, პაკ კინ ჰიეს 2016 წლის იმპიჩმენტში, რომელიც მოგვიანებით ძალაუფლების ბოროტად გამოყენებისთვის გაასამართლეს და დააპატიმრეს. მან ასევე ბრალი წაუყენა პაკის მემკვიდრის, მუნ ჯე ინის მაღალჩინოსან თანაშემწეს თაღლითობისა და ქრთამის აღების საქმეზე. იოლი კონსერვატიული პარტია „სახალხო ძალის“ საპრეზიდენტო კანდიდატი გახდა და 2022 წლის მარტის არჩევნებში ქვეყნის ისტორიაში ყველაზე მცირე სხვაობით გაიმარჯვა. შემდეგ მოჰყვა არაერთი სკანდალი, მათ შორის მისი ადმინისტრაციის მიერ 2022 წლის ჰელოუინის დღესასწაულზე მომხდარი ჭყლეტის მართვა, რომელსაც 150-ზე მეტი ადამი შეეწირა. იოლს ბრალი დასდეს პრეზიდენტის ვეტოების ბოროტად გამოყენებაში, მათ შორის მისი მეუღლის მიერ სავარაუდო აქციებით მანიპულირების საქმეზე სპეციალური გამოძიების დაშვების კანონპროექტის ვეტოთი დაბლოკვა. მას ასევე ადანაშაულებდნენ ინფლაციაში, სუსტ ეკონომიკაში და სიტყვის თავისუფლების შეზღუდვების გაზრდაში. ძალაუფლების ხელში ჩაგდების მისმა წარუმატებელმა მცდელობამ ბევრი ხანდაზმული სამხრეთ კორეელის ნერვებს შეახო, რითაც გააღვიძა 1960-დან 1980 წლამდე პერიოდში ქვეყანაში მომხდარი სამხედრო გადატრიალებების მოგონებები.